Մեքսիկայում դադարեցվել է կանանց առաջնության «Նեկակսա» և «Կերետարո» թիմերի միջև հանդիպումը՝ երկրպագուների և մարզիկների կյանքին սպառնացող վտանգի պատճառով։ Այս մասին գրում է Sport Baza-ն։

Փետրվարի 22-ին զինվորականները լիկվիդացրել են «Հալիսկոյի նոր սերունդ» կարտելի առաջնորդ Էլ Մենչոյին։ Ի պատասխան՝ կարտելի անդամները փակել են մայրուղիները, իրականացրել ջարդեր, ավտոմեքենաների հրկիզումներ և հարձակվել քաղաքացիական անձանց վրա։ Մարզադաշտի հարակից տարածքում պայթյուններ են հնչել։

2026 թվականի ֆուտբոլի աշխարհի առաջնության հյուրընկալող քաղաքներից մեկում՝ Գվադալախարահում, փակվել են լցակայանները, դադարեցվել է տրանսպորտի աշխատանքը և չեղարկվել են զանգվածային միջոցառումները: ԱՄՆ-ի և Կանադայի ավիաընկերությունները չեղարկել են չվերթները դեպի հակամարտության գոտիներ: Հալիսկոյի նահանգապետը բնակիչներին կոչ է արել դուրս չգալ տներից, իսկ ԱՄՆ Պետքարտուղարությունը ամերիկացիներին հորդորել է «պատսպարվել տեղում»:ՖԻՖԱ-ի հովանու ներքո անցկացվող հաջորդ խոշոր միջազգային մրցաշարը, որը բաց կթողնեն ռուս ֆուտբոլիստները, 2026 թվականի աշխարհի առաջնությունն է, որը կկայանա ԱՄՆ-ում, Մեքսիկայում և Կանադայում՝ 2026 թվականի ամռանը: Աշխարհի առաջնությունը կանցկացվի հունիսի 11-ից հուլիսի 18-ը: