Իրանի արտգործնախարար Աբբաս Արաղչին մեկնել է Օմանի Մասկատ քաղաք՝ գլխավորելով դիվանագիտական պատվիրակությունը՝ Միացյալ Նահանգների հետ միջուկային բանակցությունների համար։ Դրա մասին հայտնել է Իրանի ԱԳՆ խոսնակ Էսմայիլ Բաղային։
«Այս դիվանագիտական բանակցություններն անցկացվում են միջուկային հարցի շուրջ արդար, փոխադարձաբար ընդունելի և անկեղծ փոխըմբռնման հասնելու նպատակով։
Մենք պատասխանատու ենք, որպեսզի բաց չթողնենք յուրաքանչյուր հնարավորություն՝ դիվանագիտությունն օգտագործելու՝ Իրանի ժողովրդի շահերը պաշտպանելու և տարածաշրջանում խաղաղությունն ու անդորրը պահպանելու համար։
Մենք բարձր ենք գնահատում բոլոր բարեկամ հարևան և տարածաշրջանային երկրներին, որոնք պատասխանատու և շահագրգիռ դեր են խաղացել այդ գործընթացի ձևավորման գործում։ Հուսով ենք, որ ամերիկյան կողմը ևս պատասխանատու կերպով, իրատեսորեն և լրջորեն կմասնակցի»,- նշել է Իրանի ԱԳՆ խոսնակը։
