Ֆրանսիայի հետ դեռևս բարձր մակարդակի շփումներ չկան։ Աշխատանքային մակարդակի շփումներ կան, սակայն դրանք նշանակալի չեն։ Այս մասին ասել է Ռուսաստանի նախագահի մամուլի քարտուղար Դմիտրի Պեսկովը, տեղեկացնում է ՏԱՍՍ-ը։
Նշվում է, որ նա հավելել է, որ Ամերիկայի Միացյալ Նահանգների և Ռուսաստանի Դաշնության միջև ռազմավարական հարձակողական զենքի հետագա կրճատման և սահմանափակման միջոցառումների մասին ( New START) պայմանագրի ճշգրիտ ժամկետը (փետրվարի 5-ը-խմբ.) հիմնարար նշանակություն չունի. Կրեմլն արդեն խոսել է պայմանագրի դադարեցման հետևանքների մասին։
Պեսկովի խոսքով՝ Կրեմլը որևէ նոր բան չի տեսնում այն փաստում, որ Հնդկաստանը կարող է նավթ գնել ոչ միայն Ռուսաստանից։
Նա նաև նշել է, որ տեսակոնֆերանսի փակ հատվածում Պուտինը և Սի Ծինպինը գաղտնի քննարկում են անցկացնում միջազգային և երկկողմ հարցերի ամբողջ շրջանակի շուրջ։