Փորձել են առևանգել փաստաբանի անչափահաս երեխային: Այս մասին ահազանգել է փաստաբան Ռոման Երիցյանը։
«Երեխան տնից դուրս է եկել պարապմունքի գնալու համար, շքամուտքի մոտ նրան մոտեցել է մի մեքենա, որի վարորդը փորձել է համոզելով նրան նստեցնել մեքենա, ասել է մայրը տեղյակ է, կգնան քաղցրավենիք կգնեն։ Երեխան հասկացել է, որ մի բան այն չէ, ու դիմել է փախուստի, վարորդն էլ իր հետեւից։ Երեխան զանգել է հորը, նա էլ հաղորդում է տվել, սակայն մինչեւ հիմա ոստիկանությունը ոչինչ չի անում։ Հանցանքը կատարվել է Երեւանի բանուկ հատվածում, երեխան էլ մանկահասակ է, մինչեւ 12 տարեկան ու ոստիկանները մինչեւ հիմա ոչինչ չեն արել»,– ասել է փաստաբանը։
