Հունվարի 3-ին, ժամը 17։52-ին Արմավիրի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Մրգաստան գյուղի գերեզմանատան մոտակայքում այրվում է անասնագոմի տանիք։
«Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երեք մարտական հաշվարկ։
Պարզվել է, որ հրդեհը բռնկվել է 4-րդ փողոցի տներից մեկի մոտակայքում գտնվող անասնագոմի (մոտ 60 քմ) տանիքում:
Հրդեհը մեկուսացվել է ժամը 18:40-ին, մարվել՝ 20:10-ին: Այրվել են անասնագոմի տանիքի մոտ 50 քմ հատվածի փայտե կառուցատարրերը և տանիքում պահեստավորած մոտ 120 հակ անասնակեր»,- ասվում է հաղորդագրությունում։
