Այսօր՝ դեկտեմբերի 16-ին, շղթայական ավտովթար է տեղի ունեցել Երևանում։ Ժամը 21։00-ի սահմաններում Արշակունյաց պողոտայում՝ Կոմիտասի անվան պանթեոնի դիմաց, բախվել են Արարատի մարզի բնակիչ 40-ամյա Արման Մ․-ի վարած «Mercedes» մակնիշի, Երևանի բնակիչ 36-ամյա Տարոն Ա․-ի վարած «Ford» մակնիշի, 33-ամյա Արամ Ա․-ի վարած «Fiat» մակնիշի և 41-ամյա Ալիկ Խ․-ի վարած «Opel» մակնիշի ավտոմեքենաները։
Ինչպես հայտնում է ֆոտոլրագրող Գագիկ Շամշյանը, վթարի հետևանքով, ըստ նախնական տեղեկությունների, բարեբախտաբար տուժածներ չկան։
Դեպքի վայր են ժամանել ՀՀ Ներքին գործերի նախարարության ոստիկանության Պարեկային ծառայության Երևան քաղաքի գնդի 2-րդ գումարտակի 3-րդ վաշտի պարեկները՝ գումարտակի հրամանատար Լևոն Բադալյանի, գումարտակի հրամանատարի տեղակալ Կարեն Ավետիսյանի և վաշտի հրամանատար Վահագն Խառատյանի գլխավորությամբ։
Տարածքը սահմանազատել են նույն վաշտի պարեկներ Սայադ Պետրոսյանը և Ավետիս Աբրահամյանը։
Վթարի փաստով ՊԾ Երևան քաղաքի գնդի 2-րդ գումարտակում փաստաթղթեր են ձևակերպվում։
Վարորդները տեղում ենթարկվել են սթափության փորձաքննության, «Ford»-ի վարորդը եղել է ոչ սթափ։