Ուրբաթ կեսգիշերից սկսած՝ «Ազատ Եվրոպա/Ազատություն» ռադիոկայանի հունգարական ծառայությունը դադարեցրել է հեռարձակումը, հաղորդում է Euronews-ը։
Մարտին ԱՄՆ նախագահ Դոնալդ Թրամփը ստորագրել է գործադիր հրամանագիր, որով USAGM-ը՝ արտասահմանում ԱՄՆ հանրային լրատվամիջոցների, մասնավորապես՝ «Ամերիկայի ձայնի», «Ազատ Եվրոպա/Ազատություն» և «Ազատ Ասիա» գործունեությունը վերահսկող գրասենյակը, դասակարգվել է որպես «դաշնային բյուրոկրատիայի ավելորդ տարր»։ Սպիտակ տունը որոշումը որակել է որպես ԱՄՆ դաշնային բյուրոկրատիայի (DOGE) և «արմատական քարոզչության» կրճատման ջանքերի մի մաս։
«Ազատություն» ռադիոկայանը դատական հայց է ներկայացրել ԱՄՆ կառավարության դեմ՝ ֆինանսավորման կրճատման վերաբերյալ։ Լրատվամիջոցները պնդում են, որ կառավարության՝ նախկինում՝ Կոնգրեսի տրամադրած ֆինանսավորման մերժումը խախտում է դաշնային օրենքը։