Այսօր արտակարգ դեպք է տեղի ունեցել Երևանում, Տիգրան Մեծի պողոտայում:
Ժամը 16:50-ի սահմաններում Երևանի քաղաքապետարանի հաշվեկշռում հաշվառված թիվ 7-րդ և թիվ 2-րդ երթուղին սպասարկող «Zhongtong» մակնիշի ավտոբուսների արանքում քաղաքացի է մնացել:
Ինչպես դեպքի վայրից հայտնում է ֆոտոլրագրող Գագիկ Շամշյանը, քաղաքացին վրաերթի հետևանքով է հայտնվել այդ 2 ավտոբուսների արանքում, նրան օգնության են հասել ականատեսները և շտապօգնության բժիշկները։ Վրաերթի ենթարկվածը դուրս է բերվել ավտոմեքենաների արանքից:
Բժիշկները տեղում առաջին բուժօգնությունն են ցուցաբերել նրան, ապա ծայրահեղ ծանր վիճակում տեղափոխել են հիվանդանոց:
Ֆոտոլրագրողի տեղեկություններով՝ վրաերթի ենթարկվածը ավտոբուսներից մեկի վարորդն է․ փորձել է ավտոբուսում առաջացած ինչ-որ խնդիր լուծել, իսկ մյուս ավտոբուսը վրաերթի է ենթարկել նրան:
