Թաիլանդը չորեքշաբթի հայտարարել է, որ փակում է Կամբոջայի հետ սահմանային անցակետերը հյուսիսարևելյան նահանգներում, հետ է կանչում Կամբոջայում իր դեսպանին և արտաքսում է կամբոջական դեսպանին՝ ականի պայթյունից հետո, որի հետևանքով թաիլանդցի զինվորի կորցրեց ոտքը, հաղորդում է Associated Press-ը։
Թաիլանդի բանակը հայտարարության մեջ նշել է, որ հինգ զինվոր վիրավորվել է սահմանային գոտում ականի վրա ոտք դնելու հետևանքով։ Դեպքը արագ արձագանք է ստացել Թաիլանդի կառավարության կողմից։ Վարչապետի պաշտոնակատար Փհումտհամ Վեչայաչայը հայտարարել է, որ Արտգործնախարարությունը պաշտոնական բողոք կներկայացնի Կամբոջային, և կքննարկվեն հետագա գործողությունները։
Չորեքշաբթի ականի պայթունին առնչվող միջադեպը տեղի է ունեցել մեկ շաբաթ անց, երբ երեք այլ թաիլանդցի զինվորներ վիրավորվել էին, երբ նրանցից մեկը կանգնել էր ականի վրա և կորցրել ոտքը երկու երկրների կողմից պահանջվող սահմանի երկայնքով մեկ այլ տարածքում: Թաիլանդի իշխանությունները հայտնում են, որ ականները վերջերս տեղադրվել են փոխադարձաբար անվտանգ համարվող երթուղիների երկայնքով։
Նրանք հայտարերել են, որ ականները ռուսական արտադրության են և չեն օգտագործվել թաիլանդական զինվորականների կողմից։ Հայտարարության մեջ, որն ուղղված էր Կամբոջայի բանակին, կոչ էր արվում Կամբոջային պատասխանատվություն ենթարկել միջադեպի համար, որը լուրջ սպառնալիք է երկու երկրների միջև սահմանային տարածաշրջանում խաղաղության և կայունության համար։
Կամբոջան մերժել է իրադարձությունների թայլանդական տարբերակը՝ այն անհիմն որակելով։ Պաշտպանության նախարարության մամուլի քարտուղար, գեներալ-լեյտենանտ Մալի Սոչեատան հայտարարել է, որ ականի պայթյունը տեղի է ունեցել Կամբոջայի տարածքում և Թաիլանդին մեղադրել է 2000 թվականին համաձայնեցված պարեկային երթուղիներն օգտագործելու մասին համաձայնագիրը խախտելու մեջ։
Շատ սահմանային անցակետեր արդեն փակվել էին մեկ կամ մյուս կողմից կամ գործում էին սահմանափակումներով, երբ հարևանների միջև հարաբերությունները վատթարացան մայիսի 28-ին տեղի ունեցած բախումից հետո, որի ժամանակ կամբոջացի զինվոր էր զոհվել մի քանի փոքր վիճելի տարածքներից մեկում։
Իրավիճակը լիցքաթափելու ջանքերը խոչընդոտվեցին երկու երկրներում էլ բորբոքված ազգայնական կրքերի պատճառով։ Երկու ժողովուրդների միջև պատմական թշնամանք կա։
Թաիլանդում լուրջ քաղաքական հետևանքներ են եղել. նախկին վարչապետ Պետոնգտարն Չինավատը պաշտոնանկ արվեց անցյալ ամիս, երբ քննադատները նրա երկրի զինված ուժերը նսեմացնող համարեցին Կամբոջայի նախկին վարչապետ Հուն Սենի հետ հեռախոսազրույցում, որը հրապարակել էր ձայնագրությունը:
Կամբոջան հերքում է, որ նոր ականներ է տեղադրել սահմանի երկայնքով՝ նշելով, որ դեռևս կան բազմաթիվ չպայթած ականներ և այլ զինամթերք ցրված ամբողջ երկրում, որը 1970 թվականին բռնկված և միայն 1998 թվականին ավարտված քաղաքացիական պատերազմի և անկարգությունների ժառանգություն է: Մարտական գործողությունների ավարտից ի վեր պատերազմից մնացած պայթուցիկ նյութերից զոհվել է մոտ 20 հազար կամբոջացի, իսկ մոտ 45 հազարը՝ վիրավորվել: Ժամանակի ընթացքում մահացությունների թիվը կտրուկ նվազել է. անցյալ տարի 49 մարդ է զոհվել:
