Գյումրիում շատ ուժեղ երկրաշարժ զգացվեց, լավ ցնցեց։ Այս մասին ֆեյսբուքյան իր էջում հայտնել է Գյումրու քաղաքապետի թեկնածու Ռուբեն Մխիթարյանը։
«Գյումրիում քիչ առաջ շատ ուժեղ երկրաշարժ զգացվեց։ Հիմա «Բուլվարային» թաղամասում եմ, լավ ցնցեց, 5-6 բալ կլիներ։ Այստեղ բարձրահարկ շենքեր կան դեռևս սովետական ժամանակներից սարքած՝ ամենավտանգավոր հատվածն այս թաղամասում է գտնվում։
Փառք Աստծո վնաս չկա, այս անգամ էլ անցանք»,-հայտնել է Մխիթարյանը։
Հիշեցնենք, որ ավելի վաղ հաղորդել էինք, որ Հայաստանում 4.6 մագնիտուդ ուժգնությամբ երկրաշարժ է գրանցվել։
