Արցախի պաշտպանության բանակի նախկին հրամանատար Ջալալ Հարությունյանը  դատապարտվեց ազատազրկման՝ 5,5 տարի ժամկետով։ Վճիռը քիչ առաջ հրապարակեց Սյունիքի մարզի ընդհանուր իրավասության դատարանը։

Հանրային մեղադրողը միջնորդել էր Հարությունյանին դատապարտել 6 տարվա ազատազրկման, դատարանը 5 ու կես տարվա ազատազրկման վճիռ է կայացրել։

Ջալալ Հարությունյանին մեղադրանք են առաջադրել  44 օրյա պատերազմի ժամանակ՝ «2020թ. հոկտեմբերի 12-ին ծառայության նկատմամբ անփույթ վերաբերմունք դրսևորելու համար, ինչն անզգուշությամբ առաջացրել է ծանր հետևանքներ»։ Խոսքը վերաբերում է Ցորի զորամասի Դ-20 հրետանային դիվիզիոնի ուղղությամբ թշնամու հարձակման հետևանքով 20 զինծառայողի զոհվելուն։   

Ջալալ Հարությունյանը մեղավոր է ճանաչվել «զինվորական պաշտոնեական անփութություն, որը կատարվել է պատերազմի ժամանակ կամ մարտի պարագաներում, կամ որն անզգուշությամբ առաջացրել է մարդու մահ» հոդվածով։