Յունիբանկի «Զորավար Անդրանիկ» մասնաճյուղը սկսել է հաճախորդների սպասարկումը:
Հաշվի առնելով հաճախորդների թվի աճը եւ բանկային ծառայությունների հանդեպ մեծ պահանջարկը՝ Յունիբանկը որոշում է կայացրել Մալաթիա-Սեբաստիա համայնքում բացել եւս մեկ մասնաճյուղ՝ արագ եւ որակյալ սպասարկում ապահովելու համար:
Բանկից հայտնում են, որ նորաբաց մասնաճյուղը մասնագիտացված է ֆիզիկական անձանց սպասարկման եւ վարկավորման ուղղությամբ:
Մասնաճյուղում առկա է նաեւ վճարային տերմինալ հաշվի համալրում, վարկի մարում կամ տարբեր ծառայությունների դիմաց վճարումներ իրականացնելու համար:
«Զորավար Անդրանիկ» մասնաճյուղի հասցեն է Երեւան, Մալաթիա-Սեբաստիա համայնք, Անդրանիկի 108/11 եւ 108/9:
