Առողջապահության նախարար Անահիտ Ավանեսյանը հումորով ու հանգիստ է վերաբերվում լուրերին, որոնք ամեն շաբաթ շրջանառվում են, թե իրեն հեռացնում են պաշտոնից։
«Մոտավորապես զավեշտի ժանրից է, որովհետև շուտով 4-րդ տարին է լրանում, ամեն շաբաթ գրվում է ու, այո՛, կլինի այդպիսի մի շաբաթ, որ այդ լուրը, գուցեև, ճիշտ լինի, ինչին ևս վերաբերվում եմ հանգիստ ու շատ նորմալ»,- լրագրողների հետ հանդիպմանն ասաց նա։
Ավանեսյանի խոսքով՝ ՔՊ նախաձեռնող նիստերին ներքին քննադատական մեխանիզմներ կան, ինչը, ըստ նրա, օգնում է, որ կարողանան կուսակցության ներսում ամենսուր հարցերը բարձրացնել։
