ԱՄՆ-ի և Եվրամիության խնդիրն, ակնհայտորեն, տարածաշրջանում ոտք դնելու փորձն է՝ ի վնաս Հարավային Կովկասի պետությունների ավանդական գործընկերների և հարևանների շահերի։ Եվ, ըստ երեւույթին, դա նրանց հաջողվում է անել հենց ձեր նշած երկրի տարածքում։ Այս մասին, այսօր՝ հուլիսի 18-ին, ճեպազրույցում հայտարարել է ՌԴ ԱԳՆ պաշտոնական ներկայացուցիչը՝ պատասխանելով այն հարցին, թե ինչով է պայմանավորված ԱՄՆ-ի կողմից Հայաստանի նկատմամբ զգալի ուշադրությունը։
«Հայաստանը նախընտրում է ընդլայնել համագործակցությունը ՆԱՏՕ-ի հետ: Տարօրինակ պատմություն, իհարկե։ Նրանք Վաշինգտոնում մասնակցել են Դաշինքի գագաթնաժողովին և համատեղ զորավարժություններ են անցկացնում։ Վառ օրինակ է ամերիկահայկական «Eagle Partner» զորավարժությունները, որոնք այժմ տեղի են ունենում երկրում։ Սա ոչ միայն ափսոսանք, սա անհանգստություն է առաջացնում Հայաստանի ապագայի համար, քանի որ ԱՄՆ-ն և, բնականաբար, ԵՄ-ն, ինչպես արդեն համարվում է ՆԱՏՕ-ի տնտեսական բաժինը, մեկ անգամ չէ, որ նման մեքենայություններ են իրականացրել բազմաթիվ երկրների հետ»,- ասել է նա։
Ըստ Մարիա Զախարովայի՝ «դուք էլ լավ գիտեք, թե ինչպես է ավարտվում այս այսպես կոչված «արծվային գործընկերությունը»։
«Օգտագործում են, հետո դեն են նետում որպես ավելորդ իր։ Նման տեմպերով համագործակցությունը խորացնելով նրանց հետ, ում նպատակը, ինչպես ԱՄՆ-ն և ՆԱՏՕ-ն, հայտարարում են Ռուսաստանի ռազմավարական պարտությունն է, Երևանն իր ձեռքով վտանգում է լրջորեն ապակայունացնել իրավիճակը Հարավային Կովկասում՝ ի վնաս, ի թիվս այլ բաների, իր սեփական անվտանգությունը: Իմ կարծիքով, ամեն ինչ ակնհայտ է»,- ասել է ՌԴ ԱԳՆ պաշտոնական ներկայացուցիչը։
