ԱՄՆ սենատոր Ռոջեր Ուիֆերի գլխավորած պատվիրակության հետ մեր հանդիպումը շատ արդյունավետ անցավ, ճեպազրույցի ժամանակ հայտարարեց ԱԺ նախագահ Ալեն Սիմոնյանը:
«Մենք քննարկեցինք հայ-ամերիկյան գործակցության տարբեր ոլորտներ: Ես ներկայացրեցի տարածաշրջանում տիրող իրավիճակը, հայ-ադրբեջանական հարաբերություններում տիրող իրավիճակը և ԱՄՆ-ի աջակցությունը այդ հարաբերություններում: Անդրադարձ կատարվեց նաև Հայաստան-Թուրքիա հարաբերություններին, իմ կողմից նշվեց մեր ռազմագերիների վերաբերյալ ինֆորմացիան:
Պետք է ասեմ, որ մեր հարաբերությունները գտնվում են շատ բարձր մակարդկի վրա, փոխադարձ այցերը, որոնք անընդհատ տեղի են ունենում, շատ կարևոր բաղադրիչ են: Այս այցն էլ շատ կարևոր է»,-նշեց Սիմոնյանը:
