Մոսկվայի «Լոկոմոտիվի» և Հայաստանի հավաքականի պաշտպան Նաիր Թիկնիզյանը խուսափել է ծանր վնասվածքիվ Ռուսաստանի գավաթի 1/4 եզրափակչի «Բալթիկայի» հետ խաղի արդյունքում (1:1, 11մ.՝ 6:7): Հիշեցնենք, որ Թիկնիզյանը վնասվածքի պատճառով փոխարինվել է 60-րդ րոպեին։
«Նաիր Թիկնիզյանի բուժզննության արդյունքում հայտնաբերվել է ազդրի հետին հատվածի մկանների թեթև վնասվածք։ Վնասվածքի պատճառով պաշտպանը բաց կթողնի Հայաստանի հավաքականի առաջիկա հավաքը։
Առաջիկայում նախատեսված են պարապմունքներ անհատական ծրագրով՝ հնարավորինս արագ շարք վերադառնալու նպատակով։ Նաիր, մաղթում ենք քաջառողջություն և սպասում ենք քո ապաքինմանը»։ — ասվում է ակումբի մամուլի ծառայության տարածած հաղորդագրության մեջ:
Ավելի վաղ հայտնել էինք, որ Թիկնիզյանի փոխարեն ազգային հավաքականին կմիանա «Արարատ-Արմենիայի» պաշտպան Էդգար Գրիգորյանը:
