Երեկ Փաշինյանը և Ալիևը նույն պահանջը ներկայացրին հայ ժողովրդին, որ եթե չփոխվի ՀՀ պետականության հիմքը, որը դրվել է դեռևս 1990 թվականին, ապա ՀՀ-ին պատերազմ է սպառնում. լրագրողների հետ զրույցում ասաց «Հայաստան» խմբակցության պատգամավոր Արթուր Խաչատրյանը։
Նա նշեց, որ Փաշինյանի կործանարար զիջումների մասին դեռևս մի քանի ամիս առաջ էր խոսել խորհրդարանում, երբ հարցրել էր նա փորձո՞ւմ է քանդել Երրորդ Հանրապետությունը և ստեղծել նոր՝ Չորրորդ Հանրապետություն՝ Փաշինյանը չէր հերքել։ «Ասաց՝ ինձ համար թվաբանությունը կարևոր չէ։ Այս իշխանությունը, դասական առումով, Ադրբեջանի խամաճիկային կառավորությունն է և անում է բացարձակապես այն, ինչ Ադրբեջանը պահանջում է»,-ասաց նա՝ նշելով, թե հարց է զիջումները փաթեթայի՞ն են, թե՞ փուլային։
Խաչատրյանը նշեց, որ այս իշխանությունների ցանկացած առաջարկ Ալիևը «պատռում է և գցում աղբանոց», փոխարենը բոլոր պարտադրանքներն ընդունում են։
