Իրանի ԱԳ նախարար Հոսեյն Ամիր Աբդոլլահիյանը ՌԴ արտգործնախարար Սերգեյ Լավրովի հետ հեռախոսազրույցի ընթացքում ողջունել է Հայաստանի և Ադրբեջանի միջև բանակցությունների ընթացքը, հաղորդում է IRNA գործակալությունը՝ վկայակոչելով իրանական իշխանություններին։
«Հեռախոսազրույցի ընթացքում կողմերը քննարկել են Հարավային Կովկասում տեղի ունեցող զարգացումները, երկկողմ համագործակցության ընթացքն ու երկկողմ հարաբերությունները: Քննարկել են նաև տարածաշրջանային և միջազգային հարցերի մասին», - գրում է գործակալությունը․
Խոսելով տարածաշրջանում տեղի ունեցող իրադարձությունների մասին՝ Աբդոլլահիանը ողջունել է Հայաստանի և Ադրբեջանի միջև բանակցություններում առաջընթացը։ Նա ընդգծել է, որ Իրանն աջակցում է տարածաշրջանում խաղաղության և կայունության ապահովմանն ուղղված ջանքերին", - նշում է IRNA-ն։