Դեկտեմբերի 6-ին, ՀՀ ներքին գործերի նախարարության ոստիկանության պարեկային ծառայությունում՝ ժամը 12:25-ի սահմաններում տեղեուկություններ են ստացվել, որ մի քաղաքացի անցել է «Հաղթանակ» կամրջի վտանգավոր եզրագիծը և սպառնում է ինքնասպանություն գործել, հաղորդում է Shamshyan.com-ը:
Պարեկները կամրջի վտանգավոր եզրագծում նկատել են այդ քաղաքացուն ու փորձել են համոզել, որպեսզի նա չդիմի այդ ծայրահեղ քայլին, սակայն քաղաքացին ոչ միայն հրաժարվել, այլև ցուցաբերել է ոչ ադեկվատ վարքագիծ:
Ի վերջո պարեկներին հաջողվել է բանակցությունների արդյունքում մոտենալ նրան, ապա նրանցից մեկը մասամբ անցել է վտանգավոր եզրագիծը ու բռնել այդ քաղաքացուն: Պարեկները քաղաքացուն անվտանգ դուրս են բերել վտանգավոր եզրագծից և տեղափոխել ոստիկանության Կենտրոնական բաժին:
Կայքի տեղեկություններով՝ այդ քաղաքացին Երևանի բնակիչ՝ 20-ամյա Գևորգ Գ.-ն է:
