Ադրբեջանում առաջարկել են երկրի նախագահ Իլհամ Ալիևին առաջադրել Խաղաղության Նոբելյան մրցանակի: Այս մասին հայտնում են տեղի լրատվամիջոցները:
«Առաջարկում եմ Խաղաղության Նոբելյան մրցանակի համար առաջադրել նախագահ Իլհամ Ալիևին», - հայտարարել է Ադրբեջանի գրողների միության փոխնախագահ, գրող Չինգիզ Աբդուլաևը «Դասեր Նոբելյան մրցանակի ճանապարհին. առասպելներ, իրողություններ, հաջողություններ և մարտահրավերներ» վերտառությամբ համաժողովում։
«Բարաք Օբամային պարգևատրեցին որևէ վաստակ չունենալով հանդերձ: Պատերազմի ժամանակ մենք «չենք կրակել» խաղաղ բնակիչների, կանանց, երեխաների վրա: Սա նախագահ Իլհամ Ալիևի քաղաքականության արդյունքն էր», - ասել է Աբդուլաևը:
