Վրաստանի Պետական անվտանգության ծառայության հակաահաբեկչական կենտրոնը հայտնել է միգրանտների ապօրինի տեղափոխման գործի հետաքննության ընթացքում երկու օտարերկրյա քաղաքացիների ձերբակալության մասին, գրում է «Նովոստի-Գրուզիան»։
Հատուկ գործողությունը տեղի է ունեցել միաժամանակ Թբիլիսիի երկու կետում։ Խուզարկության ընթացքում առգրավվել են պայթուցիկ նյութեր և ինքնաշեն պայթուցիկ սարքեր, տեղեկատվության փոխանցման էլեկտրոնային միջոցներ, էլեկտրաշոկերներ, կեղծ օտարերկրյա անձնագրեր և «Իսլամական պետություն» ահաբեկչական կազմակերպության խորհրդանիշով դրոշ։
Հետաքննության այս փուլում ձերբակալվածների ազգությունը չի նշվում։
