Իսրայելը համաձայնել է օրական չորսժամյա հումանիտար դադարներ տալ Գազայի հյուսիսում ընթացող մարտերում, հայտարարել է ԱՄՆ ազգային անվտանգության խորհրդի խոսնակ Ջոն Քիրբին։ Այն արվել է պաղեստինցիների զոհերի աճող թվի շուրջ աճող վրդովմունքի ֆոնին, այդ թվում՝ Կոնգրեսի որոշ դեմոկրատ անդամների կողմից: Այս մասին հայտնում է Ամերիկայի Ձայնը։
Մինչ հազարավոր պաղեստինցիներ փախել են պատերազմից և Իսրայելի ռմբակոծությունից, ԱՄՆ նախագահ Ջո Բայդենը, պատասխանելով հարցին, արդյոք Իսրայելի և ՀԱՄԱՍ-ի միջև կրակի դադարեցման հնարավորություն կա, ասել է՝ ոչ։
ՀԱՄԱՍ-ի ղեկավարած Գազայի առողջապահության նախարարությունը տեղեկացնում է, որ ավելի քան 10,000 մարդ է սպանվել այդ տարածքում պատերազմի մեկնարկից ի վեր։
ԱՄՆ պետքարտուղարության ամենօրյա ճեպազրույցի ժամանակ փոխխոսնակ Վեդանտ Պատելը որոշ մանրամասներ ներկայացրեց Իսրայելի հայտարարության մասին, որ համաձայնել է օրական չորսժամյա հումանիտար դադարներին Գազայի հյուսիսում մարտերում:
«Երկու մարդասիրական միջանցքներ կլինեն, որոնք մարդկանց թույլ կտան փախչել Գազայի հյուսիսային հատվածում ռազմական գործողությունների շրջաններից: Առաջին նման միջանցքն արդեն հազարավոր մարդկանց հնարավորություն է տվել հասնել ավելի ապահով վայրեր: Ծովափնյա ճանապարհի երկայնքով երկրորդ երթուղին հնարավորություն կտա ևս հազարավոր մարդկանց հասնել ավելի ապահով տարածքներ»,-ասել է Պատելը:
Մանրամասն՝ սկզբնաղբյուր կայքում։
