Աժ-ն այս պահին քննարկում է 2024 թվականի բյուջեն։ Խորհրդարանում է վարչապետ Նիկոլ Փաշինյանը, նա մասնակցում է մշտական հանձնաժողովների նիստին։

Այս պահին անվտանգության աշխատակիցները խոչընդոտում են լրագրողների աշխատանքը և թույլ չեն տալիս, որպեսզի ներկա գտնվեն վարչապետի մասնակցությամբ բյուջեի քննարկմանը։

 Ի պատասխան լրագրողների այն հարցին, թե ինչու թույլ չեն տալիս՝ նրանք հորդորեցին դիմել ԱԺ աշխատակազմին։

Ի դեպ նախկինում նման խոչընդոտ չի եղել եւ լրագրողները հնարավորություն են ունեցել մուտք գործել նիստերի դահլիճ։