Այն, ինչ կատարվում է Հայաստանում Արցախի ներկայացուցչության դիմաց, ավելի է ծանրացնում վիճակը, այս մասին հայտարարեց Արցախի նախագահ Սամվել Շահրամանյանը։
«Բոլորս էլ դժվար իրավիճակում ենք ու այն, ինչ այստեղ կատարվում է, ավելի է ծանրացնում մեր վիճակը։ Մեր թշնամին մեկն է, բոլորս էլ գիտենք։ Ես բոլորիդ ու ձեր ընտանիքների առաջ պատասխանատու եմ», - դիմելով ակցիա անող արցախցիներին՝ նշեց Շահրամանյանը։
Նա ասաց, թե արցախցիները Հայաստանի ճակատագիրը վտանգելու իրավունք չունեն։
«Ես պատրաստ եմ բոլորի հետ հանդիպել, քննարկել հարցերը, ամեն ինչ իր պատասխանն ունի», - ասաց Շահրամանյանը՝ խնդրելով իրեն ժամանակ տալ, հաջորդ շաբաթ հանդիպում կկազմակերպի բողոքող արցախցիների հետ։ Այս հայտարարությունից հետո իրավիճակը լարվեց, արցախցիները չհամաձայնեցին ժամանակ տալ։
