Հայաստանի բռնցքամարտի հավաքականի անդամ Ռաֆայել Հովհաննիսյանը դարձավ Եվրոպայի գավաթի բրոնզե մեդալակիր:
«Արմենպրես»-ի հաղորդմամբ` Չեռնոգորիայի Բուդվա քաղաքում ընթացող առաջնության կիսաեզրափակիչ մենամարտում 86 կգ քաշային Ռաֆայել Հովհաննիսյանն ուժերը չափեց բուլղար Ալիակսեյ Ալֆիոռաուի հետ: Հայ բռնցքամարտիկը զիջեց մրցակցին` դառնալով բրոնզե մեդալակիր:
Ավելի վաղ Հայաստանի հավաքականից Բարեղամ Հարությունյանը մրցել էր բուլղար Երգիունալ Սեբահտինին հետ և զիջել էր 4:1 հաշվով: Հարությունյանը դարձել էր Եվրոպայի գավաթի խաղարկության բրոնզե մեդալակիր: Իսկ մինչև 54 կգ քաշային կարգում հանդես եկող Ռուսլան Ասլիկյանը մրցել էր Ռուսաստանի ներկայացուցիչ Մաքսիմ Կուզնետցովի հետ և պարտվել` դառնալով բրոնզե մեդալակիր:
