Սոթքի հանքավայրը մասամբ շարունակում է աշխատել, այս մասին լրագրողներին ասաց Գեղարքունիքի մարզպետ Կարեն Սարգսյանը:
«Հանքավայրը մասամբ շարունակում է աշխատել, խոսքը փակ հատվածի մասին է», - ասաց նա:
Սարգսյանի խոսքով` մարզում կեցությամբ ապահովել են բոլոր արցախցիներին:
«Չի եղել մի դեպք, որ դիմեն մարզպետարան ու չտեղավորենք, այս պահի դրությամբ ունենք մոտ 5 հազար բռնի տեղահանված մեր հայրենակիցներ, ովքեր տեղակայված են մեր մարզում», - նշեց Գեղարքունիքի մարզպետը։ Հարցին, թե կացարաններում են տեղադրված, մարզպետն ասաց, թե իրենց մոտ որպես այդպիսին կացարաններ չկան, տեղավորվել են կամ բնակարաններում, կամ հյուրանոցներում։
