Հանրապետության նախագահ Վահագն Խաչատուրյանը այսօր երեկոյան ցավակցական ուղերձ է հրապարակել նախորդ գիշերը Շիրակի մարզում տեղի ունեցած ողբերգական ավտովթարի կապակցությամբ։
«Խոր ցավով տեղեկացա Շիրակի մարզի Լանջիկ գյուղի մոտակայքում տեղի ունեցած ողբերգական ավտովթարի մասին, որն անմեղ մարդկային կորուստների և վիրավորների պատճառ դարձավ:
Այս ծանր պահին իմ վշտակցությունն ու զորակցությունն եմ հայտնում զոհվածների ընտանիքներին, հարազատներին և մերձավորներին՝ մաղթելով համբերություն և տոկունություն, իսկ վիրավորներին՝ շուտափույթ ապաքինում։
Ակնկալում եմ իրավապահ մարմինների կողմից համակողմանի հետաքննության իրականացում՝ այս ողբերգական ավտովթարի մանրամասների բացահայտման ուղղությամբ»,- նշված է Խաչատուրյանը ցավակցական ուղերձում:
