Ինչպես ավելի վաղ հայտնի դարձավ՝ ժամը 13:15-ին ահազանգ է ստացվել ոստիկանություն. քաղաքացին հայտնել է, որ Աբելյան փողոցում, ենթադրաբար, կրակել են իր վարած ավտոբուսի վրա:
Քննչական կոմիտեից «Լուրերին» հայտնեցին՝ դեպքի առթիվ քրեական վարույթ է նախաձեռնվել ՀՀ քրեական օրենսգրքի 264-րդ հոդվածի 1-ին մասի 335-րդ հոդվածի 1-ին մասի հատկանիշներով։
Նախնական տվյալներով՝ գույքը վնասվել է ենթադրյալ կրակոցի հետևանքով։ Քննություն է իրականացվում՝ պարզելու՝ ինչ առարկայով է վնասվել տրանսպորտային միջոցը, հրազե՞ն է կիրառվել, թե՞ ոչ։ Այդ նպատակով կատարվում են անհրաժեշտ քննչական գործողություններ, որոնց թվում կնշանակվեն համապատասխան փորձաքննություններ։
«Որևէ անձ վնասվածք չի ստացել։ Այս պահին այլ տվյալներ չկան հայտնելու»,- տեղեկացրին ՔԿ-ից:
