Ֆուտբոլային գործակալ Ալեքսանդր Կլյուևը մեկնաբանել է իր հաճախորդի՝ Մոսկվայի «Լոկոմոտիվի» պաշտպան Նաիր Թիկնիզյանի հնարավոր տեղափոխությունը գերմանական «Վերդեր»։

Ավելի վաղ մոսկովյան ակումբի մարզական տնօրեն Դմիտրի Ուլյանովը հաստատել էր Բրեմենի «Վերդերի» հետ բանակցությունները Թիկնիզյանի տրանսֆերի շուրջ։

«Թիկնիզյանի հնարավոր տեղափոխության հարցին մարզական տնօրենը պատասխանել է։ Բանակցություններն ընթանում են։ Հենց ակումբները պայմանավորվեն, մենք առաջ ենք շարժվելու։

Մինչ այդ Նաիրը պատրաստվում է հաջորդ տուրի կարևոր հանդիպմանը»,- РБ Спорт-ին տված հարցազրույցում ասել է ֆուտբոլիստի գործակալը, փոխանցում է Armsport-ը։