Սպարապետ Վազգեն Սարգսյանի մայրը՝ Գրետա Սարգսյանը, այսօր հուղարկավորվել է Վազգեն Սարգսյանի տուն-թանգարանի բակում: Հուղարկավորության արարողությունը, որը մեկնարկել է Արարատի մարզի Արարատ գյուղի Սբ. Հակոբ եկեղեցուց, ներկա են եղել ՀՀ վարչապետ Նիկոլ Փաշինյանը, ՀՀ նախագահ Արմեն Սարգսյանը, ՀՀ արդարադատության նախարար Արտակ Զեյնալյանը, Արցախի պաշտպանության նախարար Լեւոն Մնացականյանը, նախկին ու ներկա մի շարք պաշտոնյաներ, Վազգեն Սարգսյանի մարտական ընկերներ: Առավոտյան եկեղեցի էր այցելել ՀՀ նախկին նախագահ Սերժ Սարգսյանը: