Անձրեւի, կարկտահարության եւ ուժգին քամու հետեւանքով Տավուշի մարզկենտրոն Իջեւանում տապալվել են ծառեր, արգելափակվել ճանապարհներ:

Կարկուտը եւ անձրեւը վնասել է նաեւ Իջեւան համայնքի գյուղական բնակավայրերը, հաղորդում են Տավուշի մարզպետարանից։ 

Փրկարարների օգնությամբ ծառի տակ մնացած մեքենայից դուրս են բերվել ուղեւորները, որոնց մեջ եղել են նաեւ երեխաներ։

Փրկարարները, ոստիկանները, համայնքային իշխանությունները մաքրում եւ բացում են միջպետական, ինչպես նաեւ համայնքային նշանակության ճանապարհներն ու փողոցները:

Այս պահին կան էներգետիկ ցանցի վթարներ, կոտրված ծառեր, վնասված տանիքներ, ջրալցված նկուղային հարկեր։