Սարագոսայի ռազմաբազայի տարածքում Իսպանիայի ռազմաօդային ուժերի F-18 կործանիչ-ռմբակոծիչ է կործանվել։

Տեղեկությունը հայտնում է «El Mundo»–ն` հղում անելով քաղաքացիական գվարդիայի իր աղբյուրներին։

Ըստ աղբյուրի՝ դեպքը տեղի է ունեցել ժամը 12։10-ին, երբ օդաչուն ցուցադրական թռիչք է կատարել: Կործանիչն ընկել է դեռևս անհայտ պատճառներով, օդաչուն հասցրել է ինքնանետվել: Նրան բժշկական ուղղաթիռով անմիջապես տեղափոխել են հիվանդանոց։

Հրշեջները դեպքի վայր են մեկնել կործանիչի ընկնելուց մի քանի րոպե անց, որպեսզի մարեն վթարի պատճառով բռնկված հրդեհը։