Եվրամիության անդամ պետությունները մտադիր են հաջորդ շաբաթ առնվազն 2 մլրդ եվրոյով ավելացնել իրենց հիմնադրամի չափը զենքի մատակարարումների ֆինանսավորման համար, հաղորդում է Bloomberg-ը՝ վկայակոչելով իր աղբյուրները։

Խաղաղության եվրոպական հիմնադրամը, որի շեմը ներկայումս կազմում է մոտ 6 միլիարդ եվրո, կառավարություններին փոխհատուցում է Ուկրաինա ռազմական մատակարարումների ծախսերը, բայց նաեւ օգտագործվում է այլ երկրներին աջակցելու համար: Հիմնադրամի կեսից ավելին հատկացվել է Ուկրաինային ռազմական օգնության համար, եւ անդամ պետությունները հետագա աջակցության անհրաժեշտություն են տեսնում։

Առաջարկը պահանջում է բոլոր անդամ պետությունների միաձայն հավանությունը։