Ռուսաստանի եւ Բելառուսի պաշտպանության նախարարներ Սերգեյ Շոյգուն եւ Վիկտոր Խրենինը շաբաթ օրը ռազմական ոլորտում տարածաշրջանային անվտանգության համատեղ ապահովման մասին միջպետական համաձայնագրում փոփոխություններ կատարելու մասին արձանագրություն են ստորագրել, հայտնում է «Ինտերֆաքսը»։
Փաստաթղթի ստորագրումը տեղի է ունեցել Մինսկում երկու երկրների ռազմական գերատեսչությունների ղեկավարների հանդիպման ժամանակ։
Բանակցությունների ընթացքում քննարկվել են երկկողմ համագործակցությանը վերաբերող հարցեր։
Շոյգուն աշխատանքային այցով Բելառուսում է։