Ադրբեջանի նախագահ Իլհամ Ալիևը Բաքվում ընդունել է Հարավային Կովկասում Եվրամիության հատուկ ներկայացուցիչ Տոյվո Կլաարին։
Նախօրեին Կլաարը տեղեկացրել էր Ադրբեջան մեկնելու մասին: Նա այդ մասին գրել էր թվիթերյան միկրոբլոգում:
«Այժմ լքում եմ անձրևոտ Վիեննան՝ Բաքվում կարևոր հանդիպումների համար», - գրել է ԵՄ պաշտոնյան։
Նշենք, որ Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչն ավելի վաղ Երևան, ապա Բաքու էր ժամանել՝ սեպտեմբերին Ադրբեջանի զինուժի ձեռնարկած ագրեսայից անմիջապես հետո։