Սաուդյան Արաբիան պատրաստվում է 5 միլիարդ դոլար ներդնել Թուրքիայի կենտրոնական բանկում, ինչը մեծ խթան կդառնա գալիք տարվա նախագահական ընտրություններից առաջ լիրան կայուն պահելու նախագահ Ռեջեփ Թայիփ Էրդողանի ջանքերի համար, գրում է Bloomberg-ը:
Սաուդյան Արաբիայի ֆինանսների նախարարության ներկայացուցիչն ասել է, որ թագավորությունը գտնվում է Թուրքիային օգնություն առաջարկելու բանակցությունների «վերջնական» փուլում՝ հաստատելով Reuters-ի ավելի վաղ հաղորդագրությունը:
Թուրքիայի գանձապետարանի եւ ֆինանսների նախարարությունը նույնպես հաստատել է, որ երկու երկրները պատրաստվում են ավարտին հասցնել ավանդների գործարքը։
Համաձայնագիրը, որը գրեթե անկասկած կստորագրվի շուտով, պսակում է վերջին մերձեցումը, որը վերջ է դրել Թուրքիայի եւ Սաուդյան Արաբիայի կառավարությունների միջեւ տարիների թշնամանքին։ Դա նաեւ մեծ հաղթանակ կլինի Էրդողանի համար, քանի որ այս տարվա սկզբին ֆինանսական օգնության համար նա դիմել էր Պարսից ծոցի երկրներին:
Ավելի վաղ Էրդողանը լրագրողներին ասել էր, որ Թուրքիայի պաշտոնական պահուստները, ամենայն հավանականությամբ, շուտով կհասնեն 130 միլիարդ դոլարի՝ 2022 թվականի 117,5 միլիարդ դոլարի առավելագույն ցուցանիշի համեմատ, որ դիտարկվել է նոյեմբերի 11-ի շաբաթվա ընթացքում:
