Իտալիայի շրջակա միջավայրի եւ էներգետիկ անվտանգության հարցերով նախարար Ջիլբերտո Պիկետտո-Ֆրատինը La Stampa թերթում շաբաթ օրը հրապարակված հարցազրույցում ասել է, որ Եվրահանձնաժողովը գազի գների շեմի վերաբերյալ վերջնական նախագիծը կներկայացնի նոյեմբերի 24-ին։

Նրա խոսքով՝ Իտալիան ընդհանուր առմամբ դրական է գնահատում այդ առաջարկը։ «Նոյեմբերի 24-ին Եվրոպական խորհրդում կներկայացվի վերջնական տեքստը, եւ մենք կանդրադառնանք մանրամասներին»,-ասել է նա։

Նա նշել է ,որ այդպիսով հնարավոր է հակազդել շուկայական սպեկուլյացիաներին եւ զսպել մասնավոր ընկերությունների եւ տնային տնտեսությունների համար էներգակիրների գների աճը։