Երևանի Այրվածքաբանության ազգային կենտրոնի վերակենդանացման բաժանմունքում մահացավ Օշական գյուղի բնակիչ 17-ամյա Ալբերտ Ներսիսյանը, որը այնտեղ էր տեղափոխվել էր հոկտեմբերի 25-ին Օշական գյուղում ողբերգական ավտովթար-հրդեհի հետևանքով այրվածքներ ստանալուց հետո։ Այս մասին հայտնում է SHAMSHYAN.com-ը:
Ավելի վաղ հայտնել էինք, որ հոկտեմբերի 25-ին, Օշական գյուղում ողբերգական ավտովթար-հրդեհ էր տեղի ունեցել, որի հետեւանքով մահացել են Օշական գյուղի բնակիչներ 16-ամյա Էդուարդ Գրիգորյանը, 17-ամյա Միհրան Միրիջանյանը և 16-ամյա Կարեն Պողոսյանը։
Վերջիններիս մոխրացած դիերը ավտոմեքենայից դուրս են բերել Աշտարակի հրշեջ-փրկարարները, օգտագործելով հատուկ տեխնիկա։
Այրվածքաբանության ազգային կենտրոն է տեղափոխվել Օշական գյուղի բնակիչ 17-ամյա Ալբերտ Ներսիսյանը։ Գ․ Շամշյանի տեղեկություններով՝ մահացածներից Մ․ Միրիջանյանի հայրը, մայրը և քույրը 2 տարի առաջ Վրաստանի Հանրապետությունում ողբերգական ավտովթարի հետևանքով մահացել են։
Ըստ նախնական տեղեկությունների՝ ավտոմեքենան վարել է Է․ Գրիգորյանը:
