00:00:00

Սպանվածի եղբոր մեքենան հրկիզել էին․ նոր զարգացումներ՝ Ճամբարակում օպերլիազորի սպանությունից

11:18, 26 սեպտեմբեր 2022 Պատահարներ

Սեպտեմբերի 25-ին ՀՀ ոստիկանության քրեական ոստիկանության գլխավոր վարչության, ոստիկանության Գեղարքունիքի մարզային վարչության և ոստիկանության Ճամբարակի բաժնի ծառայողները հսկայածավալ օպերատիվ-հետախուզական աշխատանքի արդյունքում հայտնաբերել են սեպտեմբերի 22-ին Ճամբարակ քաղաքի բնակիչը՝ 42-ամյա Վիլբերթ Սոսյանին պատկանող ռուսական համարանիշներով Chevrolet Lacetti մակնիշի ավտոմեքենան հրկիզողին, գրում է shamshyan.com-ը։

Ըստ աղբյուրի՝ նշված արարքը կատարելու կասկածանքով Ճամբարակի ոստիկանության բաժին է բերվել Ճամբարակ քաղաքի բնակիչ, 19-ամյա Գարեգին Ղ․-ն։

Պարզվել է, որ վերջինս կեսգիշերն անց, մոտենալով նշված ավտոմեքենային, բացել է դուռը և մեքենայի նստարանի հետևի մասը կրակի տվել և հեռացել։

Բարեբախտաբար, հնարավոր է եղել կանխել կրակի տարածումը, իսկ արդեն կարճ ժամանակ անց Ճամբարակում կայծակնային արագությամբ տարածվեցին տեղեկություններ, թե ավտոմեքենան հրկիզել են ոստիկանության Ճամբարակի բաժնի ծառայողները, քանի որ ավտոմեքենայի տերը օրեր առաջ Ճամբարակում ոստիկանության բաժնի քրեական հետախուզության բաժանմունքի ավագ օպերլիազոր Սիփան Սարիբեկյանին սպանածի եղբայրն է, ու ոստիկանները, վրեժխնդիր լինելով, դիմել են այդ քայլին, մինչդեռ պարզվեց, որ այդ ամենը Ճամբարակում միտումնավոր տարածում են  ինչ-որ անձինք, սակայն ոստիկանները կարճ ժամանակում ոչ միայն պարզեցին կատարողին, այլ նաև հայտնաբերեցին նրան։

Դեպքի փաստով Հայաստանի քննչական կոմիտեի Գեղարքունիքի մարզային քննչական վարչության Սևանի քննչական բաժնում նախաձեռնվել է վարույթ։

Սեպտեմբերի 20-ին սպանություն էր տեղի ունեցել Գեղարքունիքի մարզում: Ժամը 19:20-ի սահմանում Ճամբարակի առողջության կենտրոնից ոստիկանության Ճամբարակի բաժին ահազանգ էր ստացվել, որ սուր կտրող-ծակող առարկայից ստացած բազմաթիվ վնասվածքներով իրենց մոտ է տեղափոխվել տղամարդու դի:

Հիվանդանոց էին ժամանել ոստիկանության Գեղարքունիքի մարզային վարչության պետ Արթուր Մկրտչյանը, վարչության պետի օպերգծով տեղակալ Տիգրան Պետրոսյանը, ոստիկանության Ճամբարակի բաժնի պետ Միքայել Միքայելյանը:

Ժամանել էին նաև Հայաստանի քննչական կոմիտեի Գեղարքունիքի մարզային քննչական վարչության պետ Արման Բաղդասարյանը, նույն վարչության Սևանի քննչական բաժնի պետ Թորգոմ Չանդոյանը և հատկապես կարևոր գործերով ավագ քննիչներ Արման Հարությունյանն ու Եղիշե Մաթևոսյանը:

Ոստիկաններն ու քննիչները հայտնաբերել էին նաև դեպքի վայրը, և տեղում դեպքի վայրի զննություն էին կատարել քննիչները և ոստիկանության Գեղարքունիքի մարզային վարչության փորձաքրեագետները: Դեպքի վայրը Ճամբարակ քաղաքի Գետափնյա փողոցի վրա գտնվող Բիստրոն է, որտեղ հայտնաբերվել էին բավականին շատ արնանման հետքեր:

Ոստիկաններն ու քննիչները պարզել էրին՝ դին հիվանդանոց է տեղափոխվել Ճամբարակ քաղաքից, և սպանվածը Սիփան Սարիբեկյանն էր:

Դեպքի փաստով նախաձեռնվել էր քրեական վարույթ:

Ըստ աղբյուրի՝ սպանվածը աշխատում էր ոստիկանության Ճամբարակի բաժնի քրեական հետախուզության բաժանմունքում՝ որպես ավագ  օպերլիազոր, կոչումով ոստիկանության կապիտան էր:

Ոստիկաններն ու քննիչները ենթադրյալ հանցագործի ինքնությունը պարզել էին և ձեռնարկել անհրաժեշտ օպերատիվ-հետախուզական և քննչական համատեղ գործողություններ՝ նրան և հանցագործության գործիք առարկան հայտնաբերելու ուղղությամբ:

Ոստիկաններն ու քննիչները պարզել էին նաև դեպքի վայրը: 

Լրահոս

Արխիվ

March 2017
Երկ ԵրքՉոր Հնգ Ուրբ Շաբ Կիր