Հայաստան եկած զբոսաշրջիկների թիվն օգոստոսի 1-ի դրությամբ եկել 770 հազար: «Ֆեյսբուք» սոցիալական ցանցի իր էջում նշել է ՀՀ էկոնոմիկայի նախարար Վահան Քերոբյանը: Միայն հուլիս ամսին զբոսաշրջիկների թիվը կազմել է 188,856:
Օրեր առաջ «Արմենպրես»-ի մամուլի սրահում հրավիրված ասուլիսում ՀՀ զբոսաշրջության կոմիտեի նախագահ Սիսիան Պօղոսեանը նշել էր, որ ամենից շատ զբոսաշրջիկներ Հայաստան գալիս են Ռուսաստանից՝ մոտ 56 տոկոս: Այնուհետև հաջորդում է Իրանը, Գերմանիան, Վրաստանը, ԱՄՆ-ն: Նա տեղեկացրել էր, որ զբոսաշրջային տարբեր պրոդուկտներով ու առաջարկներով փորձում են ակտիվացնել ինչպես ավանդական թիրախային շուկաները, այնպես էլ ներգրավել նոր ուղղություններ:
Դեպի Հայաստան զբոսաշրջիկներ ներգրավելու տեսանկյունից Զբոսաշրջության կոմիտեն որպես նոր ուղղություններ նախանշել է Ֆրանսիան ու ԱՄԷ-ն:
