«Համախմբում» շարժման անդամ, ընդդիմադիր հասարակական-քաղաքական գործիչ Ավետիք Չալաբյանի պաշտպանները գործով դատավոր Մնացական Մարտիրոսյանին բացարկի միջնորդությունը մերժվեց:
Նշենք, որ Չալաբյանի պաշտպաններից Վարազդատ Հարությունյանը հայտարարել էր, որ բացարկի հիմքեր կան։ Նա հիշեցրեց, որ դատարանին ավելի վաղ միջնորդություն էին ներկայացրել և խնդրել չստանձնել վարույթ, քանի որ դրան նախորդած դատավարական գործողություններն ապօրինի են եղել։
«Առաջին դատական նիստից հետո մենք արդեն ունեինք կանխակալ կարծիք, որ դատարանն անտեսելու է մեղադրական եզրակացությունում առկա խախտումները։ Ձեր գործողությունները ականջալուր չեն մեր խնդրանքներին, պահանջներին։ Տպավորություն է, որ դատարանը չունի նպատակ դատավարության շրջանակում լուծման ենթակա հարցերը իրապես լուծելու»,- ասել է Հարությունյանը։
