Ամերիկացի դերասանուհի եւ երգչուհի Ջենիֆեր Լոպեսը բացահայտել է, թե որն է իր գեղեցկության գլխավոր գաղտնիքը։ Այս մասին հայտնում է Daily Mail պարբերականը։

Հիսուներկուամյա դերասանուհին ասել է, որ գրավչությունը պահպանելու համար օգտագործում է արեւապաշտպան կրեմ եւ մաշկի շիճուկ, սակայն առողջ ապրելակերպի գաղտնիքը օրական յոթից ինը ժամ լիարժեք քունն է։ Այդ ժամանակ, ըստ նրա, օրգանիզմը երիտասարդանում է։

Նա հավելել է, որ սկսել է նաեւ ավելի շատ հոգ տանել իր մասին, ինչը եւս դրականորեն  է ազդել նրա ինքնազգացողության եւ տեսքի վրա։ Երգչուհին հորդորել է գնահատել լիարժեք քունը, անկախ աշխատանքային գերհագեցած գրաֆիկից եւ ժամանակ տրամադրել հանգստի համար։