Մեղրի-Ագարակ ավտոճանապարհին Երևանի և Սյունիքի իրավապահները դարանակալել են, ապա կանգնեցրել որպես տաքսի շահագործվող Opel մակնիշի ավտոմեքենան:
Ոստիկանները Opel-ի մեջ հայտնաբերում են Իրանի Իսլամական Հանրապետության քաղաքացիներ, 24-ամյա Մահդի Ճ.-ին, 31-ամյա Ռեզա Ա.-ին, 24-ամյա Հուսեին Դ.-ին և 32-ամյա Ալի Ա.-ին:
Վերջիններս ավազակային հարձակում կատարելու կասկածանքով բերման են ենթարկվում ոստիկանության Արաբկիրի բաժին, որտեղից էլ նրանց ներկայացնում են Հայաստանի քննչական կոմիտեի Երևան քաղաքի քննչական վարչության Արաբկիրի քննչական բաժին, որտեղ նախաձեռնվել է քրեական վարույթ՝ ՀՀ քր օր-ի 252 հոդվածի 2-րդ մասի 3-րդ, 5-րդ, և 7-րդ կետերի հատկանիշներով:
Հիշեցնենք, որ հուլիսի 11-ին բժշկական դիմակներով դիմակավորված, ատրճանակով զինված ավազակային հարձակում էր տեղի ունեցել Երևանում: Ժամը 18:00-ի սահմաններում ոստիկանության Արաբկիրի բաժին ահազանգ էր ստացվել, որ Փափազյան փողոցի 13ա հասցեում գործող գրասենյակներից մեկում ավազակային հարձակում է տեղի ունեցել: