Ուզբեկստանի եւ Ադրբեջանի իշխանությունները պայմանավորվել են ռազմատեխնիկական եւ արդյունաբերական համագործակցության շուրջ։ Այս մասին տեղեկացրել է Ուզբեկստանի նախագահ Շավքաթ Միրզիեեւի մամուլի ծառայությունը։

Նշվել է, որ Ուզբեկստանում տեղի ունեցած բանակցությունների արդյունքներով հանրապետության ղեկավարը եւ նրա ադրբեջանցի գործընկեր Իլհամ Ալիեւը ստորագրել են Հռչակագիր ռազմավարական գործընկերության խորացման եւ երկու երկրների միջեւ համակողմանի համագործակցության ընդլայնման մասին։

Բացի այդ, նրանց ներկայությամբ ստորագրվել է նաեւ 18 փաստաթուղթ, մասնավորապես՝ միջկառավարական համաձայնագրեր ռազմատեխնիկական, արդյունաբերական եւ զբոսաշրջային, ինչպես նաեւ ապօրինի միգրացիայի դեմ պայքարի ոլորտներում համագործակցության մասին։