Ղազախստանի նախագահ Կասիմ Ժոմարտ Տոկաևը հայտարարել է, որ Ղազախստանը չի ճանաչի Դոնբասի Հանրապետությունը։ Այս մասին հայտնում է ՌԻԱ Նովոստին։
«Հաշվարկվել է, որ եթե ազգերի ինքնորոշման իրավունքն իրականում իրագործվի երկրագնդի վրա, ապա 193 պետությունների փոխարեն, որոնք այժմ ՄԱԿ-ի անդամ են, Երկրի վրա կհայտնվեն ավելի քան 500 կամ 600 պետություններ։ Իհարկե, քաոս է լինելու, դրա համար մենք չենք ճանաչի ոչ Թայվանը, ոչ Կոսովոն, ոչ Հարավային Օսիան, ոչ Աբխազիան, և, ըստ երևույթին, այս սկզբունքը կկիրառվի նաև քվազիպետական տարածքների նկատմամբ, որոնք, մեր կարծիքով, Լուգանսկն ու Դոնեցկն են»,- ասել է Տոկաևը։