ԱՄՆ Պետդեպարտամենտի խոսնակ Նեդ Փրայսը տեղեկացնում է, որ գերատեսչությունն ուշադիր հետևում է ամերիկացի երկու քաղաքացիների հետ կապված իրավիճակին, ովքեր իբր գերի են ընկել ռուս զինվորականների կողմից Խարկովի մոտ։ Պետդեպարտամենտը կապի մեջ է Ուկրաինայի իշխանությունների հետ։ Այս մասին հայտնում է ՌԻԱ Նովոստին։

Նշենք, որ բրիտանական Telegraph թերթը հայտնել էր, թե ռուս զինվորականները Խարկովի արվարձանում գերի են վերցրել երկու ամերիկացի վարձկանների, որոնք կռվել են Կիևի կողմից։