Թուրքիայի ներքին գործերի նախարար Սուլեյման Սոյլուն հայտնել է, որ Թուրքիայում կացության թույլտվությունների թիվը կսահմանափակվի, հաղորդում է Ahval-ը եւ հավելում, որ դա կապված է ներգաղթյալների թվի աճով պայմանավորված լարվածության հետ:
Հայտնի է, որ Թուրքիան ամենամեծ թվով փախստականներ ընդունող երկրներից է, որտեղ միայն սիրիացի փախստականների թիվը հասնում է 3,7 միլիոնի: Սա թշնամանքի սրման պատճառ է դարձել երկրում, ինչը պայմանավորված է գործազրկությամբ, թույլ տնտեսությամբ եւ չդադարող գնաճով:
Փախստականների հարցը բուռն քննարկման թեմա է դարձել Թուրքիայում, ինչը պայմանավորված է 2023 թվականին կայանալիք ընտրություններով: