Ոստիկանության կողմից իրականացված հատուկ միջոցառումների արդյունքներն ամփոփել է ՆԳՆ ոստիկանության պետ, գնդապետ Արտյոմ Հարությունյանը: Այս մասին տեղեկացրին ԱՀ ներքին գործերի նախարարության ոստիկանությունից։
Արցախի Հանրապետության Նախագահի Անվտանգության խորհրդի նիստում տրված հանձնարարականի համաձայն, մայիս-հունիս ամիսների ընթացքում ՆԳ նախարարության ոստիկանության կողմից կազմակերպվել և անց է կացվել հատուկ միջոցառումներ:
Այդ միջոցառումների ընթացքում հայտնաբերվել է ճանապարհային երթևեկության ապահովման բնագավառի 738 իրավախախտում:
Դրանցից 43-ը՝ անսթափ վիճակում տրանսպորտային միջոց վարելու, 108-ը՝ առանց վարորդական իրավունքի վկայականի տրանսպորտային միջոց շահագործելու, 1-ը՝ կեղծ համարանիշով տրանսպորտային միջոց վարելու դեպքեր են: Արձանագրվել է 586 հատ այլ վարչական իրավախախտումներ:
Ճանապարհային ոստիկանության հատուկ պահպանվող տարածքներ են տեղափոխվել 129 տրանսպորտային միջոց:
Հատուկ միջոցառումների ընթացքում հայտնաբերվել է նաև որոշակի քանակությամբ զենք և ռազմամթերք.
Հայտնաբերվել է 2 ինքնաձիգ, 2 ատրճանակ, տարբեր տեսակի նռնակներ, ողորկափող և ակոսափող հրացաններ և շրջանառությունն արգելված այլ իրեր:
Հայտնաբերվել է նաև թմրամիջոցների որոշակի քանակություն:
