ԱԱԾ նախկին տնօրեն, «Հայրենիք» կուսակցության նախագահ, ԱԺ «Պատիվ ունեմ» խմբակցության ղեկավար Արթուր Վանեցյանի օգնական Արամ Գրիգորյանը, որին բնակարանում այսօր կատարված խուզարկությունից հետո բերման էին ենթարկել, ազատ է արձակվել:
Այս մասին հայտնել է նրա փաստաբան Երվանդ Վարոսյանը։
Արամ Գրիգորյանի նկատմամբ որպես խափանման միջոց ընտրվել է չհեռանալու մասին ստորագրությունը։
Հիշեցնենք, որ Գրիգորյանի բնակարանի խուզարկության որոշման հիմքում անցյալ տարի ձմռանը նրա կողմից մուրացկաններին գումար տալու վերաբերյալ հայտնի տեսագրությունն էր։
