Պենտագոնի պաշտոնական ներկայացուցիչ Ջոն Քիրբին հինգշաբթի մեկնաբանել է Շվեդիա եւ Ֆինլանդիա ԱՄՆ զորքեր ուղարկելու հնարավորությունը՝ հայտարարելով, որ այդ երկրների հետ երկխոսությունը շարունակվում է, եւ վերջնական որոշում դեռեւս չի մշակվել:
«Այդ քննարկումները շարունակվում են, եւ մենք դեռեւս վերջնական որոշման չենք եկել»,-ասել Է Քիրբին ճեպազրույցի ընթացքում, երբ նրան խնդրել են գնահատել Սկանդինավյան երկրներ ամերիկյան զինված ուժեր ուղարկելու հեռանկարը:
Միաժամանակ, նա հավելել է, որ Վաշինգթոնում վճռականորեն պաշտպանում են ՆԱՏՕ-ին անդամակցելու երկու պետությունների հայտերը եւ պատրաստ են օգնել նրանց իրենց թեկնածությունների դիտարկման ժամանակահատվածում անվտանգության ապահովման հարցում:
